Ndërtimi i projektit hekurudhor Kinë-Kirgistan-Uzbekistan, i cili ka qenë në rendin e ditës prej kohësh, nis këtë vit. Rrjeti hekurudhor që do të lidhë Kinën dhe Azinë Qendrore do të kushtojë afërsisht 2 miliardë dollarë.
Kryeministri i Kirgistanit Ömürbek Babanov nënshkroi tekstin e projektit për hekurudhën. Projekti, ndërtimi i të cilit do të nisë këtë vit, pritet të përfundojë në vitin 2018. Në ndërtimin e hekurudhës pritet të punojnë gjithsej 10 mijë persona.
Gjatësia e rrugës, e cila do të ndërtohet në rrugën historike të Mëndafshit dhe do të lidhë tre shtete, do të jetë 268 kilometra, do të ketë 48 tunele, 95 ura dhe 4 stacione në itinerarin rrugor. Në funksionimin e hekurudhës do të punësohen 3 mijë e 500 persona.
Detyra e monitorimit të projektit, i cili është me rëndësi strategjike për Kirgistanin dhe vendet e Azisë Qendrore, iu dha zëvendëskryeministrit të Kirgistanit Aalı Karayev. Me përfundimin e hekurudhës, problemi i transportit mes Kirgistanit dhe Kinës do të zgjidhet në masë të madhe.
Burimi: CIHAN
Bëhu i pari që komenton