Përplasja e kamionit me trenin në Japoni 34 të plagosur

Një kamion u përplas me një tren në një vendkalim hekurudhor në Japoni. Sipas të dhënave të para nga aksidenti janë lënduar të paktën 34 persona.

Aksidenti ka ndodhur sot në orën 11.40 me orën lokale në Yokohama, pranë Tokios, kryeqytetit të Japonisë. Një kamion u përplas me një tren në një vendkalim hekurudhor. Sipas të dhënave fillestare nga aksidenti kanë mbetur të plagosur 34 persona. Pas aksidentit kamioni që transportonte fruta ka marrë flakë dhe dëmtime të rënda kanë ndodhur në vagonët e trenit. Pas aksidentit, shërbimet e trenit midis stacioneve Keikyu Kawasaki dhe Kamiooka u ndaluan.

Policia po vijon hetimet për zbardhjen e plotë të aksidentit.