Kompania hekurudhore franceze do të paguajë dëmshpërblim për gjenocidin: Kompania hekurudhore kombëtare e Francës, e cila transportoi hebrenjtë në kampet naziste gjatë Luftës së Dytë Botërore, do të paguajë 60 milionë dollarë kompensim. Franca do të paguajë 60 milionë dollarë si kompensim për viktimat e gjenocidit, sepse kompania e saj kombëtare hekurudhore, SNCF, transportoi hebrenjtë në kampet naziste gjatë Luftës së Dytë Botërore.
Sipas deklaratës së përbashkët të Ministrisë së Punëve të Jashtme të Francës dhe të SHBA-së, dje kanë nisur aplikimet për dëmshpërblim për të mbijetuarit e gjenocidit dhe familjet e atyre që humbën jetën në gjenocid, mes viktimave të dëbuara nga Franca.
Programi, i cili do të financohet nga Franca dhe do të zbatohet nga SHBA, është planifikuar të parandalojë rastet e ngritura nga viktimat e gjenocidit kundër Francës në SHBA.
SNCF u përjashtua nga kontratat hekurudhore miliarda dollarëshe në Shtetet e Bashkuara për shkak të rolit të saj në gjenocid.
Kompania transportoi afërsisht 76 mijë hebrenj në kampet naziste gjatë Luftës së Dytë Botërore, kur Franca ishte nën pushtimin nazist. Ministria e Punëve të Jashtme franceze pretendoi në dhjetor se kompania kombëtare hekurudhore ishte një instrument në këtë incident dhe nuk mund të mbante përgjegjësi.
Aplikimet për dëmshpërblim mund të bëhen deri më 31 maj 2016.
Bëhu i pari që komenton